Mbrojtësi francez Ibrahima Konate ishte nënshkrimi i madh i Liverpoolit për mbrojtjen.
Klopp kërkonte të rriste nivelin e prapavijës pas problemeve të shumta të sezonit të kaluar. Klubi nga “Anfield” pagoi 40 milionë për kartonin e futbollistit, por Konate po luan shumë pak. Francezi sigurisht që nuk ndihet mirë për situatën që po kalon:
“Sigurisht që jam i zemëruar dhe i trishtuar që jam jashtë formacionit. Dy ditë më vonë ke një ndeshje tjetër dhe nëse nuk je gati mendërisht, atëherë nuk do të luash. Duhet të jesh gati gjatë gjithë kohës, dhe nëse luan mirë, i hap disa probleme trajnerit. Kjo është mirë për grupin dhe për ty”, – deklaroi mbrojtësi 22-vjeçar.