Gjilani vazhdon punën me përforcimet në merkato.
Ashtu siç raportoi edhe “SuperSport.al”, klubi nga Gjilani ka zyrtarizuar afrimin e përkohshëm të portierit Angelo Tafas nga Kukësi.
Lexo edhe:
- Ndeshja e Champions League me Ludogorets, Ballkani: Biletat shiten edhe në Prishtinë
- Pas dy sezonesh, mesfushori “kuqezi” largohet nga Konyaspor
- Lautaro apo Barella, kush do jetë lideri i ri i “zikaltërve”?
- Gerrard: Së shpejti kampionati i Arabisë Saudite do të jetë një nga më të mirët në botë
Përmes rrjeteve sociale, Gjilani bën me dije se klubi i është bashkuar edhe Atdhe Rashiti.
“Sport Club Gjilani konfirmon ardhjet e përkohshme të futbollistëve Angjelo Tafas dhe Atdhe Rashiti nga radhët e Kukësit. Klubet kanë gjetur akordin për këtë marrëveshje dhe me këtë rast shprehim falenderimet më të sinqerta për bashkëpunimin e ofruar nga FK Kukësi.
Gjithashtu, konfirmojmë edhe arritjen e marrëveshjes me FC Ballkani për futbollistin Enea Koliçi, duke u dëshiruar njëherit shumë suksese në garat evropiane.
Të gjithë futbollistët e tjerë vazhdojnë të mbetur në lidhje kontraktuale me klubin dhe janë të regjistruar për ndeshjet kualifikuese në Ligën e Konferencës.
Klubi njofton se ekspedita kuq & bardh do të udhëtojë më datën 11 Korrik drejt Luksemburgut, me ç’rast do t’i zhvillojë dy seanca stërvitore para ndeshjes të datës 13 Korrik ndaj ekipit vendas Progres Niederkorn.
Për detajet e ndeshjes kthyese do ju njoftojmë me kohë.
Zyra për shtyp,
10 Korrik, 2023”-shkruan Gjilani në rrjetet sociale.
