Connect with us

Hi, what are you looking for?

La Liga

Kontratë 5-vjeçare dhe klauzolë stratosferike, Griezmann është i Barcelonës

7. Antoinne Griezmann – 27 milionë euro

E nisur më tepër se një vit më parë dhe e kulmuar mes deklarata të tensionuara në ditët e fundit, “telenovela” Antoine Griezmann duket se ka ardhur në fund dhe kampioni i botës me Francën do t’i bashkohet Barcelonës.

Avokati i sulmuesit dhe klubi katalan kanë qenë sot në zyrat e ligës spanjolle, për të paguar klauzolën prej 120 milionë eurosh, që duhet për të prishur kontratën mes Greizmann dhe Atleticos së Madridit, ndërsa zyrtarizimi është çështje orësh.

Sulmuesi francez pritet të nënshkruajë një kontratë 5-vjeçare me klubin katalan dhe t’u bashkohet shokëve të rinj të skuadrës të dielën, për t’u vënë nën urdhrat e trajnerit Valverde, në prag të nisjes së përgatitjeve për sezonin e ardhshëm, ndërsa konfirmohet se në kontratën e re do të ketë një klauzolë prej 800 milionë eurosh.

Asgjë për të bërë, për Atleticon e Madridit, që reagoi me forcë dhe akuzoi Barcelonën se ka kontaktuar me Griezmann në një “pikë të nxehtë” të sezonit, duke shkelur parimet e besueshmërisë së garës.

Kjo pasi klauzola e prishjes së kontratës mes Griezmann dhe “los Colchoneros” thekson qartë se nëse në arkat e Atleticos kalojnë 120 milionë euro, Griezmann është i lirë të largohet nga “Wanda Metropolitana”.

Francezi iu bashkua Atleticos së Madridit 5 sezone më parë dhe ka qenë një nga “yjet” e skuadrës në vitet e fundit, duke kontribuuar në arritjen e një sërë suksesesh të spanjollëve në La Liga dhe Europë.

Griezmann ishte shumë pranë Barcelonës edhe verën e kaluar, por angazhimi me Francën në “Rusi 2018”, ku u shpall edhe kampion bote, bëri që të shtynte marrëveshjen me katalanët dhe të qëndronte edhe një tjetër vit në Madrid.

Megjithatë tani është mbyllur gjithçka dhe duke filluar nga ky sezon, francezi do të luajë në krah të Lionel Messit dhe Luis Suarez, ndërsa synimi është që të dërgojnë sa më shumë topin në rrjetat e portave kundërshtare për të garantuar suksesin e Barcelonës në Spanjë dhe Europë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...