Koreja e Jugut në alarm për gjendjen fizike të Son. Sulmuesi i Tottenhamit doli nga fusha i dëmtuar në takimin me Marsejën, në Velodrome, përcaktuese për renditjen përfundimtare në grup.
Pa u mbushur gjysmë ore lojë, Son Heung-Min mori një goditje të fortë, që e bënte të pamundur vijimin e lojës për të. Ai u zëvendësua nga Bissouma dhe u largua drejt dhomave të zhveshjes i ndihmuar nga pjesëtarët e stafit.
Tri javë para nisjes së Kupës së Botës, Koreja e Jugut mban frymën për gjendjen e “yllit” të saj kryesor. Koreja e Jugut janë në Grupin H së bashku me Uruguain, Ganën dhe Portugalinë.
