Meriton Korenica ishte ai që zhbllokoi sfidën Ballkani-Lincoln (2-0). Mesfushori i avancuar i skuadrës së Ilir Dajës, foli për SuperSport pas triumfit në “Fadil Vokrri”, dueli i parë i raundit të tretë në Conference League.
“Goli? E pashë shokun, ishte i markuar. Dhe vendosa të shënoj. Ka rëndësi fitorja. Gjithmonë bëjmë lojën tonë, fusha na keqësoi gjithçka. Patëm shumë raste. Të mobilizohemi që t’i shënojmë rastet e krijuara në ndeshjen tjetër.
Lexo edhe:
- VIDEO/ Asisti perfekt i për Sensin, Asllani “mesazh” Inzaghit
- “Tym i bardhë”, Tottenhami pranon më në fund ofertën e Bayernit për Harry Kane
- Neuer shtyn rikthimin, Bayerni kërkon t’i rrëmbejë portierin “Djallit”
- Di Maria nuk plaket kurrë, gol spektakolar në Superkupën e Portugalisë (video)
Pjesa e dytë? Profesori na qetësoi. Na dha motivin shtesë që të shënonim, pavarësisht se kishim humbur disa raste. Mund të kishim shënuar edhe dy herë të tjera. Në këto gara duhet shfrytëzuar çdo rast, pasi nuk ke shumë të tillë.
Lincolni? Ne gjithmonë do të bëjmë lojën tonë. Këta luajnë një futboll mjaft fizik. Të shohim ndeshjen e kampionatit, pastaj të luftojmë për t’u kualifikuar në ‘play-off’.
Ndryshimet e Ballkanit? Ka konkurrencë të fortë në këtë ekip. Lojtarët duan më të mirën, trajneri kërkon maksimumin, edhe nga lojtarët e dytë dhe të tretë. Konkurrenca na bën më të fortë”, deklaroi 26-vjeçari nga Rahoveci.
VIDEO/ Ballkani bën detyrën, klasi i Korenicës dhe perla e Trashit sjellin fitoren
