Pas barazimit në ndeshjen e parë kualifikese për Euro 2024 ndaj Izraelit, Kosova rikthehet në fushë teksa pret në stadiumin Fadil Vokrri, Andorrën. Të besuarit e trajnerit Alain Giresse do të kërkojnë me ngulm tre pikët e para në Grupin I ndërsa Dardanët janë favoritët në letër për ta fituar takimin.
Tekniku francez ka të gjithë grupin e futbollistëve në dispozicion dhe mund të bëjë disa ndryshime nga sfida e parë përballë Izraelit teksa Betim Fazliji pritet në fushë nga minuta e parë. Mesfushori la një shije të mirë kur u fut si zëvendësues ndaj Izraelit dhe tashmë Giresse pritet t’i besojë nga fillimi.
Lexo edhe:
VIDEO/ Vendos goli i Swiderskit, Sylvinho debuton me humbje te Shqipëria
Cikalleshi: Keqardhje për golin, kjo Kombëtare i bëri shqiptarët të ndihen mirë
Gjasula: Ishim pa fat, jam shumë optimist për të ardhmen
Në sulm pritet të rikthehet si titullar Arbër Zeneli ndërsa konfirmohen Rashica dhe Vedat Muriqi. Ndeshjen e Kosovës ndaj Andorrës mund ta ndiqni në platformën DigitAlb në SuperSport 3 duke nisur nga ora 20:45.
