Pas shkarkimit të Allain Giresse, Kosova ka zgjedhur një ‘ish’ për të drejtuar skuadrën përfaqësuese deri në fund të edicionit eliminator të Europianit Gjermani 2024.
Bëhet fjalë për sllovenin Primoz Gliha, i cili ka drejtuar Kosovën edhe pas largimit të zviceranit Bernard Challandes, kur u zëvendësua pikërisht nga tani paraardhësi i tij, Allain Giresse.
Slloveni 56-vjeçar, Primoz Gliha ka qenë prej kohësh pranë përfaqësues ‘dardane’ dhe në këtë eksperiencë të dytë në pankinën e Kosovës do të ndihmohet nga Afriom Tovërlani, Arbnor Morina, Ahmet Beselica dhe Thomas Richards.
Lexo edhe:
- “Lajmëroni shokët”/ Pas Dokës, Tirana prezanton rikthimin e shumëpritur në kryeqytet
- Ish-trajner i PSG dhe specialist i kualifikimeve në Botëror, Kosova identifikon pasuesin e Giresse
- Kualifikueset e UEFA-s, SuperSport sjell emocionet e ndeshjeve të Ballkanit dhe Vllaznisë
- VIDEO/ Wimbledon mbaron shpejt për Williams, 43-vjeçarja rrëzohet në rrjetë dhe dëmtohet
Kosova ka zhgënjyer në katër ndeshjet e para eliminatore, duke marrë vetëm tre pikë, falë tre barazimeve, teksa ëndrra për një vend në Europian është venitur tashmë, ndaj edhe FFK-ja ka vendosur t’i besojë sllovenit Gliha.
