Shkon në 13 numri i përfaqësueseve që kanë siguruar pjesëmarrjen në finalet e Botërorit “Rusi 2018”. Skuadra e fundit që preu biletën për në eventin më të rëndësishëm në futboll tw verës sw ardhshme ishte Kosta Rika, që barazoi 1-1 me Hondurasin me gol të Kendall Ëaston në minutën e 95-të, teksa më parë për miqtë kishte realizuar Hernandez. Një gol vendimtar për një pikë vendimtare për Kosta Rikën, që do të marrë pjesë për të dytën herë radhazi në botëror, pas “Brazil 2014”. Më herët në grupin e Concacaf-it, ishte kualifikuar në finalet e “Rusi 2018” Meksika. Ndërkohë Shteteve të Bashkuara të Amerikës u duhet fitorja me Hondurasin në takimin e fundit për të shkuar në Rusi, ndërsa skuadra që do të renditet e katërta do të luajë në play off.
Nga Amerika e Jugut ka siguruar pjesëmarrjen në botëror Brazili, nga Azia Irani, Japonia, Koreja e Jugut dhe Arabia Saudite, ndërsa nga Europa Belgjika, Gjermania, Anglia dhe Spanja. Nga Afrika e Jugut një vend i sigurtë në “Rusi 2018” është për Nigerinë.
