Afrimi i Harry Maguire për 90 milionë euro verën e kaluar, me anglezin që u bë mbrojtësi më i shtrenjtë i blerë ndonjëherë nga një klub futbolli, nuk ka zgjidhur të gjitha problemet në prapavijën e Manchester United, që vazhdon të pësojë gola me frekuencë të madhe. Për këtë arsye Djajtë e Kuq gjatë kësaj vere do të tentojnë një tjetër goditje të madhe në mbrojtje. Objektivi i madh i United është qëndërmbrojtësi i Napolit Kalidou Koulibaly. Klubi nga Old Trafford është gati të ofrojë 80 milionë euro për kartonin e senegalezit, të cilin presidenti i të kaltërve Aurelio De Laurentiis e vlerëson 100 milionë euro por për shkak të krizës nga pandemia e koronavirusit, mund ta bëjë një lëshim dhe të pranojë 80 milionë eurot e Manchester United për Koulibaly.
