Niko Kovac ka nisur një eksperiencë të re. Ish-trajneri i Bayern Munich dhe Eintracht Frankfurt pak ditë më parë mori zyrtarisht drejtimin e Monacos me kroatin që zëvendësoi në këtë post spanjollin Robert Moreno. Kovac është i entuzizmuar për këtë aventurë të re dhe kjo u duk qartë në fjalët e tij të para si trajner i Monacos.
“Çdo trajner sjell me vete filozofinë e tij, mënyrën sesi ai e shikon lojën. Në të kaluarën kam drejtuar Bayernin dhe Eintrachtin, dy skuadra me stile të ndryshme. Duhet të përshtatemi, ta shikojmë si është skuadra, lojtarët dhe të zgjedhim taktikat më të mira. Objektivi është ta kthejmë Monacon në majën e Ligue 1 dhe duam ta bëjmë sa më shpejt. Të gjithë lojtarët duhet të përmirësohen, por kam besim tek ata, do të jemi atje ku duam sa më shpejt të jetë e mundur”, u shpreh Kovac.
