Kategoria Superiore

Krahasimi me sezonin e kaluar: Skënderbeu pa rivalë, Flamurtari super, Kukësi e Partizani në rënie

Java e 18-të, që mbylli fazën e dytë, shënoi edhe kalimin e gjysmës së edicionit në Kategorinë Superiore. Bazuar në renditjen deri në këtë pjesë të kampionatit, nuk është e vështirë të kuptosh se çfarë ka ndryshuar krahasuar me një vit më parë.Ky sezon është dominuar nga Skënderbeu, që me 40 pikë kryeson me distancë sigurie nga rivalët për titull. Korçarët janë paraqitur shumë më mirë se një vit më parë, kur deri në mbylljen e dy fazave të para kishin grumbulluar 8 pikë më pak sesa kanë aktualisht.

Përsa i takon pretendenteve të tjera, bie në sy rritja e jashtëzakonshme e Flamurtarit. Momentalisht vlonjatët janë të dytët në renditje me 32 pikë të grumbulluara, ndërsa një vit më parë kuqezinjtë ndodheshin në zonën e rënies nga kategoria me vetëm 11 pikë, edhe prej dënimit me zbritjen e 6 pikëve prej borxheve të prapambetura.Më dobët janë paraqitur Kukësi dhe Partizani. Veri-lindorët që në fund u shpallën kampionë kryesonin në gjysmën e kampionatit me 36 pikë, ndërsa tashmë janë të tretët në kuotën 29. Edhe më keq situata e Partizanit, që nga vendi i dytë me 35 pikë i edicionit të kaluar aktualisht janë në vendin e pestë me 27 pikë.

Laçi ka siguruar dyfishin e pikëve të sezonit të mëparshëm, ndërsa Luftëtari dhe Teuta edhe pse kanë grumbulluar një pikë më tepër ndodhen më poshtë në renditje. Në anën tjetër, Kamza është një surprizë që ka bërë më mirë se debutueset e kampionatit të kaluar, ndërsa në rënie është Vllaznia. Vetëm 15 pikë për shkodranët në këtë edicion, 6 më pak se në të njëjtën periudhë të një viti më parë, me rrezikun e rënies nga kategoria që është shqetësues.Lushnja ka bërë edhe më dobët se Korabi që preu biletën e parë drejt Kategorisë së Parë, megjithatë skuadra e drejtuar nga Hysen Dedja ka treguar se nuk do të dorëzohet lehtë, duke regjistruar një fitore dhe dy barazime në pesë javët e fundit.

Ashtu si në edicionin e kaluar lufta për mbijetesë do të mbetet e hapur deri në fund, sepse nëse krahasohen statistikat ajo mund të përfshijë deri në shtatë skuadra deri në mbylljen e kampionatit.

 

 

SUPERIORE 2016-’17                     SUPERIORE 2017-’18

 

SKUADRA           PIKË                     SKUADRA                     PIKË

 

  1. KUKËSI 36                                    1. SKËNDERBEU             40
  2. PARTIZANI 35                             2. FLAMURTARI              32
  3. SKËNDERBEU 32                       3. KUKËSI                          29
  4. TIRANA 27                                    4. LAÇI                               28
  5. LUFTËTARI 22                            5. PARTIZANI                   27
  6. VLLAZNIA 21                               6. KAMZA                          26
  7. TEUTA 16                                      7. LUFTËTARI                  23
  8. LAÇI 14                                          8. TEUTA                           17
  9. FLAMURTARI*11                        9. VLLAZNIA                    15
  10. KORABI 11                                     10. LUSHNJA                   10

 

* (Penalizim -6 pikë)

 

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency