Kristi Qose gjen rrjetën e parë me fanelën Ruzhomberok ku u transferua gjatë mësaj vere. Mesfushori shqiptar që numëron edhe një ndeshje me Kombëtaren në miqësoren ndaj San Marinos tre vjet më parë, realizoi një gol në barazimin 3-3 që skuadra e tij arriti ndaj Trencin në kampionatin Sllovak. Ishte minuta e 84 e takimit kur lojtari shqiptar realizoi pas një goditje këndi duke vendosur barazpeshën 3-3 në një ndeshje të luftuar nga të dyja skuadrat. Qose është një nga lojtarët më të spikatur të Ruzhomberok gjatë këtij sezoni dhe këtë ai e tregoi edhe në dy përballjet e Europa League kundër skuadrës së Evertonit. 22-vjeçari që është aktivizuar gjithashtu edhe në kombëtaret e grupmoshave, u transferua te skuadra e Ružomberok gjatë kësaj vere pas aventurës 1-vjeçare po në Sllovaki me skuadrën e Zemplin Michalovce.
