Mauricio Pochettino po përballet me kritika të shumta. Pavarësisht merkatos fantastike të verës së kaluar, PSG nuk po zhvillon një futboll të bukur dhe tërheqës. Objektivi i madh i klubit francez është fitimi i Champions League, trofe që kryeqytetasit nuk e kanë fituar kurrë më parë.
Në Angli janë të sigurt se trajneri argjentinas do të largohet nga drejtimi i PSG-së në fund të sezonit, me Zinedine Zidane që pritet ta zëvendësojë në stol. Prej kohësh flitet për një dëshirë për të marrë drejtimin e Manchester United, por 50-vjeçari latin ka ide të tjera.
“Pochettino nuk do të shkojë te Manchester United, ai dëshiron të kthehet në Premier League dhe të marrë përsëri drejtimin e Tottenhamit”, raporton Talksport.
Pochettino drejtoi Spurs në vitet 2014-2019, teksa më parë ishte trajner i Southampton në periudhën janar 2013-qershor 2014. Ai kërkon të rikthehet përsëri në Londër, edhe pse do të jetë e vështirë t’i zërë vendin Antonio Contes në pankinën e Tottenhamit.
[quiz-cat id=”297576″]
