Napoli nuk fiton prej 4 javësh në kampionatin italian dhe tani e sheh kreun plot 12 pikë larg, ndërsa mbrëmjen e djeshme, në përfundim të ndeshjes me Genoan, tifozët vërshëllyen gjatë paraqitjen e futbollistëve të kaltër.
Megjithatë përtej zërave që flisnin për një shkarkim të mundshëm të Ancelottit, ka qenë vetë klub i që ka reaguar, duke thënë se drejtuesit kanë besim të fortë te trajneri italian dhe se nuk kanë ndërmend të ndryshojnë në pankinë.
“Presidenti De Laurentiis është nisur për në Los Angeles, për një udhëtim pune, pasi për të nuk ekziston një çështje Ancelotti. Ne kemi besim të plotë te trajneri dhe jemi të bindur që do të udhëheqë skuadrën drejt rezultateve pozitive”, deklaroi klubi napolitan.