I dëmtuar që në javën e parë të sezonit në kampionatin italian, Giorgio Chiellini duket se është rikuperuar plotësisht dhe tashmë ka filluar “Countdown”-i final për të riparë sërish në fushë kapitenin bardhezi.
Mbrojtësi prej disa ditësh ka zhvilluar stërvitje të pjesshme me skuadrën e Sarrit, ndërsa sot ka luajtur për 40 minuta në një ndeshje miqësore të organizuar mes të rinjve të Juves dhe ekipit amator të Chisolës.
Ndeshja është organizuar pikërisht në shërbim të Chiellinit, që ndonëse ka luajtur me futbollistë jo të nivelit të tij, e ka pasur të nevojshme të marrë minuta në këmbë dhe te provohet në një takim të vërtetë.
Javën e ardhshme pritet që kapiteni i bardhezinjve të nisë stërvitjen me intensitet të plotë, bashkë me pjesën tjetër të skuadrës, ndërsa më pas gjithçka do të mbetet në dorë të Sarrit për ta angazhuar gradualisht në me disa minuta në ndeshje zyrtare.