Mirlind Kryeziu është një nga prurjet e reja të Përfaqësueses së Kosovës, pasi qendërmbrojtësi 21-vjeçar i Zyrihut pranoi ftesën e trajnerit Challandes, për të përfaqësuar vendin e origjinës së prindërve të tij.
Djaloshi zhvilloi pasditen e sotme edhe stërvitjen e parë me Përfaqësuesen kosovare, ndërsa nuk ngurroi të shprehë kënaqësinë dhe krenarinë që tashmë do të mund të japë kontributin e tij për ngjyrat e kësaj skuadre.
“Ndihem shumë mirë dhe më kanë pritur shumë mirë. Njoh një pjesë të mirë të futbollistëve të Përfaqësueses dhe ndihem krenar, që do të kem mundësi të jap kontributin tim për Kosovën. Kam folur në vijimësi me trajnerin Challandes dhe tani dua të punoj shumë, që të jem i gatshëm për të dhënë kontributin tim, nëse do të më kërkohet”, deklaroi Kryeziu për mikrofonin e Supersport.