Ndër futbollistët më të vlerësuar në fitoren e Vllaznisë me Kukësin është pa dyshim mesfushori Ardit Krymi, që në prononcimin në “Gol pas Goli” e pranoi se po kalon një moment shumë pozitiv në aspektin personal.
“Kemi bërë maksimumin gjithmonë, falë fjalëve të trajnerit, që na mbajnë me këmbë në tokë. Ndeshje ka shumë, është ende herët për të folur për titullin. Ky është viti im më i mire. Është viti i 7-të te Vllaznia. Ka të bëjë shumë besimi që më është dhënë në skuadër dhe po e shfrytëzoj.”
Fitorja me Kukësin: “Duke parë diferencat që janë, Kukësi nuk na vuri në vështirësi. 15 pikë nuk janë pak, Kukësi përjashtohet nga gara për titull me këtë diferencë. Ndihesh me lirshëm kur luan për të shkuar në Europë se për mbijetesë. Me punë dhe vullnet gjërat bëhen më mirë. Jemi duke e vuajtur shumë mungesën e tifozëve. Kemi shumë nevojë për ta. Pandemia nuk ka qenë avantazh.”
