Llapi ka rikthyer në radhët e tij mbrojtësin e qendrës, Leutrim Kadriu, i cili në 6-mujorin e fundit ishte pjesë e Lirisë së Prizrenit. Kadriu ka pranuar të jetë pjesë e klubit me kontratë 1-vjeçare e gjysmë.
25 vjeçari ka qenë pjesë e klubit nga Podujeva në edicionin 2016/17 dhe 2017/18. Pas aventurave te Vushtrria, me të cilët u inkuadrua në Superligë, dhe tek Liria për gjashtë muaj, Leutrim Kadriu rikthehet në vendlindje dhe bashkërisht me futbollistët e tjerë të skuadrës premton se do ta japë më të mirën drejt realizimit të objektivave të klubit.
