Milani është kualifikuar për në çerekfinalet e Kupës së Italisë, falë fitores së pastër 3-0 ndaj Veronës. Kuqezinjtë e Gattusos dominuan takimin dhe nuk e diskutuan për asnjë moment fitoren, duke shënuar 2 gola që në pjesën e parë, me anë të Susos dhe Romagnolit.
Në pjesën e dytë ishte Cutrone që vulosi fitoren me rezultatin 3-0, ndërsa deri në fund Milani krijoi edhe disa mundësi të tjera shënimi. Tani kuqezinjtë do të gjejnë në çerekfinale skuadrën tjetër të Milanos, Interin, duke na dhuruar një tjetër derbi për vitin 2017.
Takimi Milan-Inter do të luhet në periudhën mes festave të Krishtlindjeve dhe Vitit të Ri, pikërisht më 27 dhjetor.
