Burim Kukeli bën një tjetër hap të madh në rrugëtimin e tij si trajner. Pas një sezoni si trajner i Grasshopper U21, ish-mesfushori i Kombëtares shqiptare është promovuar në stafin teknik të skuadrës së parë e cila ka për trajner Bruno Berner të emëruar në fillimin e muajit qershor.
Lajmin e ka dhënë vetë klubi nga Zyrihu, që përveçse do të ketë Kukelin në pankinë, ka si kapiten në fushë një tjetër kuqezi, mesfushorin Amir Abrashi.
Lexo edhe:
- VIDEO/ Fitore e “hidhur”, Vllaznia frenohet nga portieri dhe gjyqtari
- VIDEO/ 8 gola në Elbasan, dramë tek Egnatia! Penalltitë u buzëqeshin armenëve
- VIDEO/ Lushkja e Deliu dërgojnë Tiranën në Stamboll
- VIDEO/ Super Skuka, vjen nga stoli dhe kualifikon Mariborin
“Grasshopper Club Zurich ka kënaqësinë të promovojë Burim Kukelin nga U21 në ekipin e parë”, thuhet në deklaratën e klubit, që ndër të tjera sjell në vëmendje kohën kur Kukeli luante në Kampionatin Europian, në krah të Amir Abrashit.
E nëse Kukeli promovohet si pjesë e stafit të skuadrës së parë, vendin e tij te Grasshopper U21 e merr një tjetër shqiptar. Bëhet fjalë për Sero Nokën, i cili ka qenë ndihmës i Kukelit te Grasshopper U21 dhe tani do të jetë trajner i parë.
