Kukësi dhe Laçi kanë zhvilluar një tjetër ndeshje miqësore mes tyre pasditen e sotme në qytetin e Pogradecit, vetëm pak ditë pas asaj të zhvilluar në Librazhd, që u fitua nga kurbinasit me rezultatin 0-2.
Sfida e sotme në Pogradec përfundoi në barazim 1-1, me Laçin që kaloi i pari në avantazh që në minutën e 10’, me anë të Elvi Berishës, ndërsa Kukësi u kundërpërgjigj në fillim të pjesës së dytë, me anë të Eduart Rrocës.
Formacionet e skuadrave:
Kukësi: Frashëri, Kitanovksi, Teqja, Cuculi, Rrumbullaku, Ethemi, Musolli, Limaj, Rama, Rroca Shkurtaj. Trajner: Ernest Gjoka
Laçi: Selmani, Ignjatoviç, Gjoni, Domgjoni, Deliu, Lushkja, Jonuzi, Turkaj, Berisha, Xhixha, Nuabueze. Trajner: Sulejman Starova
