Kukësi do të zhvillojë ndeshjen e tretë miqësore dhe të fundit të fazës përgatitore që po kryen në Turqi me Shakhter Karagandy-n.
Drejtuesit e Klubit kanë vendosur të shfrytëzojnë të gjithë hapësirën e mundshme kohore për të zhvilluar ndeshjen e tretë miqësore, gjatë qëndrimit 12-ditor të ekipit në Antalia.
Testi me një nga ekipet më të forta të Kazakistanit do të luhet më 14 janar, ora 17:00, në “Wow Sport Center”.
Skuadra e Cungut është përballur në tokën turke me dy kundërshtarë të fortë, teksa u mund 2-1 nga Basaksehiri dhe barazoi 1-1 me Rostovin.