Skuadra e Kukësit ka marrë avionin në orët e para të mëngjesit të kësaj të enjteje, për t’u nisur drejt Turqisë për fazën përgatitore të dimrit. Sipas njoftimit të shpërndarë nga klubi verlindor, është parashikuar që lojtarë të tjerë t’i bashkohen skuadrës në tokën turke, ku do të kenë shansin për t’u provuar nga Peter Pacult. Trajneri austriak do të ketë kohën e nevojshme për të vendosur për afrimet e reja me qëllim kompletimin e ekipit për pjesën e mbetur të sezonit futbollistik 2017-2018.
Lojtarët që u nisën drejt Antalias:
Enea Koliçi, Stivi Frashëri, Evis Koci, Bujar Idrizi, Ylli Shameti, Albi Alla, Rustem Hoxha, Simon Rrumbullaku, Eni Imami, Ardit Peposhi, Besar Musolli, Jose Pereira De Andrade, Valon Et’hemi, Kevin Kumanova, Elis Bakaj, Sidrid Guri, Albi Koldashi, Valdrin Hallaci, Klevis Sadiku, Maldin Ymeri, Donjet Shkodra, Klodian Duraku.