Kategoria Superiore

Kukësi kthehet te fitorja, mposht 0-2 Lushnjën

Kukësi me “stof” kampioni në transfertë me Lushnjën në javën e pestë të Kategorisë Superiore. Skuadra e drejtuar nga Mladen Milinkovic fitoi 0-2 në “Roza Haxhiu” ndaj Lushnjës vendase, që nuk arriti ta përuronte me rezultat pozitiv stadiumin e rikonstruktuar.

Sidrit Guri dhe Rauf Alyev shënuan dy gola brenda dy minutave lojë në të 58-ën dhe 60-ën, ndërkohë që formacioni i Artan Banos luajti që nga minuta e 47-të me një futbollist më pak, pas ndëshkimit të Spahos me karton të kuq. Me këtë fitore Kukësi ngjiten në kuotën e 10 pikëve, ndërsa Lushnja mbetet e fundit me vetëm 2 pikë.

To Top