Kategoria Superiore

Kukësi nuk vonon, prezanton edhe Harallamb Qaqin

Harallamb Qaqi është futbollisti i radhës që ka nënshkruar me Kukësin. 24-vjeçari, që më parë ka luajtur edhe Kombëtaren Shqiptare U-21 dhe në kampionatin italian, ka nënshkruar një kontratë njëvjeçare me klubin verilindor, me opsion rinovimi edhe për një vit tjetër.
Harallamb Qaqi luan në pozicionin e qendërmbrojtësit dhe njohës i mirë i Kategorisë Superiore, pasi në 2 sezonet e fundit ka luajtur rregullisht në kampionatin shqiptar.

Në dy sezonet e qëndrimit të tij tek Laçi, Qaqi ka qenë një nga pikat e referimit në mbrojtje, teksa ka mundur të shënojë 3 gola në këtë periudhë. Gjithashtu Qaqi ka qenë pjesë e kombëtareve të moshave, teksa me Kukësin shpreson të hedhë një tjetër hap përpara në karrierë, duke qenë se pretendimet e verilindorëve janë për të shkuar sa më larg në Europë si dhe për të rikthyer titullin kampion në “Zeqir Ymeri”.

To Top