Një përforcim i ri për Kukësin. Klubi verilindor këtë të shtunë zyrtarizoi futbollistin më të ri të skuadrës, Blerim Sahitaj, i cili duke iu referuar vetë postimit të klubit, ka firmosur kontratë 2-vjeçare.
Sahitaj, 23-vjeçar, i lindur në Prizren, vjen nga kampionati i Kosovës, ku së fundmi ka qenë pjesë e skuadrës së Lirisë. Ai luan si mbrojtës krahu.
Afrimi i tij është pjesë e politikës së klubit për këtë sezon, me Kukësin që ka hedhur sytë nga Kosova, kampionat ku pretendojnë të marrin edhe disa elementë premtues për të ardhmen.
Nën urdhrat e trajnerit Hallaçi janë vendosur disa lojtarë “dardanë” pikërisht për t’u provuar. Klubi pritet të ketë një buxhet të reduktuar për sezonin e ri, çka e bën të vështirë të imagjinosh një skuadër me objektiva madhorë, me teknikun Hallaçi që ka në dispozicion një numër të kufizuar lojtarësh.
Lexo edhe:
- FOTO/ Zyrtare, Leicester City firmos për tre sezone me mesfushorin e Tottenham
- FOTO/ Tragjedi në garat e Formula-s, piloti 18-vjeçar humb jetën pas aksidentit në pistë
- Vera europiane, SuperSport sjell skuadrat nga Ilirida në shtëpitë e shqiptarëve
- Ëndrra Gjermani 2024/ Transferta në Pragë, FSHF ka një njoftim për Tifozat Kuq e Zi
Përveç Blerim Sahitajt, lëvizjet deri më tani kanë qenë me pikatore, pasi në klub ka rinovuar vetëm Altin Bytyçi teksa është arritur marrëveshja edhe me ish-lojtarin e Bylisit, Vasilis Zogos.
Për sa u përket lojtarëve të sezonit të kaluar pas një eksodi të mirëfilltë këtë verë, pjesë e skuadrës kanë mbetur Tafas, Bytyçi, Lamçe, Berisha, Mohmo, Abdou, Hasaj, Domi, Sula dhe Rashiti.
