Rolandas Baravykas është zyrtarisht futbollist i Kukësit. Mbrojtësi lituanez ka firmosur ditën e sotme me klubin verilindor deri në verën e vitit 2022. Mbrojtësi 25-vjeçar vjen nga kampionati qipriot i futbollit dhe është prezantuar sot në zyrat e klubit, teksa do të bashkohet menjëherë me ekipin në stërvitje.
Baravykas është njëkohësisht edhe futbollist i kombëtares lituaneze, me të cilën është aktivizuar në 20 ndeshje e ka shënuar 1 gol. Ai ishte në “Air Albania” edhe në ndeshjen që kombëtarja Shqiptare luajti ndaj Lituanisë, por për arsye shëndetësore nuk u aktivizua.
Mbrojtësi lituanez ka luajtur me ekipe si Altantas e Zalgiris, ndërsa së fundmi është aktivizuar me ekipin e Nea Salamis në Qipro.