Kukësi dhe Skënderbeu do të përballen në orën 16:00, në sfidën e parë të vlefshme për gjysmëfinalet e Kupës së Shqipërisë, trofe që të dy skuadra te synojnë për të shpëtuar sezonin.
Të dy ekipet kanë mbërritur në ambientet e stadiumit “Kamza” rreth orës 14:00, ndërsa është vënë re një atmosferë tejet miqësore mes palëve, në prag të një sfide mjaft të rëndësishme.
Dy trajnerët Gjoka dhe Shehi, por edhe futbollistët e të dy skuadrave, janë parë të përshëndeten dhe shkëmbejnë batuta me njëri-tjetrin, duke konfirmuar klimën e mirë që ekziston mes dy klubeve.
Vlen të theksohet se Kukësi dhe Skënderbeu kanë pasur një rivalitet mjaft të bukur sportiv në vitet e fundit, ku kanë dueluar për titullin kampion.