Vijon revolucioni i çuditshëm te skuadra e Kukësit. Klubi verilindor ka njoftuar se ka ndërprerë marrëdhënien edhe me Enis Gavazaj. Futbollisti prizrenas kishte kontratë deri verën e ardhshme, por palët ranë dakord për t’u ndarë pa nisur ende kampionati.
“Enis Gavazaj nuk është më pjesë e Kukësit! Sulmuesi nga Prizreni ka mbyllur sot aventurën e tij me skuadrën tonë. Presidenti i klubit dhe sulmuesi Gavazaj kanë pasur një takim me njëri-tjetrin dhe më pas kanë vendosur të ndërpresin bashkëpunimin.
Kontrata e Gavazajt përfundonte verën e ardhshme, megjithatë palët kanë shtrënguar duart duke ndërprerë kontratën para kohe.
Klubi i Kukësit e falënderon Enis Gavazajn për kontributin e dhënë me fanellën e Kukësit dhe i uron suksese në të ardhmen. Faleminderit Enis!”