Në mungesë të trajnerit Dovedan që ishte i skualifikuar, Bylis në ndeshjen ndaj Kukësit u drejtua nga Bekim Kuli, i cili në mikrofonin e Supersport e analizoi kështu humbjen 2-1 ndaj kukësianëve.
“Pjesën e parë ishim mirë dhe në pjesën e dytë ramë fizikisht. Fajin e kanë ndeshjet e shpeshta. Te ne mungojnë doktorët dhe fizioterapistët dhe e kemi të vështirë të rikuperojmë lojtarët. Kukësi ka shumë blerje dhe potencial dhe na mundi. Janari nuk ka gjëra speciale në merkato, janë vetëm mundësi për të mbuluar boshllëqe të vogla. Të vetmet ekipe që kanë mundësi të marrin lojtarë të mirë janë Kukësi apo Partizani, siç ishte Murataj te ne dhe klubi e shiti për arsye financiare”.
“Ne e kemi të vështirë të gjejmë lojtarë cilësorë. Ne nuk bëjmë dot shumë ndryshime në formacion. Kemi ndryshuar vetëm në bazë të kundërshtarit. I kishim marrë masat me Ibrahimin dhe i kishim vënë Ymeraliajn mbrapa, ku më shumë do i qëndronte pas atij”.
