Verona i bëhet makth Juventusit në të dytën përplasje radhazi mes tyre. Në muajin shkurt, veronezët, që në atë kohë kishin në formacionin titullar Kumbullën dhe Rrahmanin, fituan 2-1 në “Bentegodi”, ndërsa në sfidës e fundit, për javën e pestë të Serisë A, barazuan 1-1 në “Allianz Stadium”. Madje deri në minutën e 78-të formacioni i drejtuar nga Juric kryesonte me golin e Favillit, të shënuar në minutën e 60-të.
Bardhezinjtë i shpëtoi nga humbje blerja e verës, Kulusevski, i cili vallëzoi në zonën e Veronës, derisa gjeti momentin e duhur për të shkarkuar të djathtën, me topin që përshëndeti rrjetën.
Duhet theksuar se në fundin e pjesës së parë, Alvaro Morata realizoi një gol shumë të bukur, por për fat të keq në momentin e nisjes ishte në pozicion jashtë loje, çka u konfirmua nga sistemi VAR. Tri barazime në tri ndeshjet e fundit për bardhezinjtë (pa marrë në konsiderarë fitoren në tavolinë ndaj Napolit), që kuptohet qartë vuajnë mungesën e Cristiano Ronaldos, i infektuar me COVID-19 dhe prej më shumë se një jave në karantinë.