Kumbulla më i miri i Romës. Mbrojtësit kuqezi i mjaftuan 45 minuta për të justifikuar besimin e Mourinhos. Ndërkohë sajti i specializuar, Sofascore e vlerësoi me notën 7.5, më të mirën e ndeshjes.
I aktivizuar në fillim të pjesës së dytë, në vendin e Llorentes, mbrojtësi shqiptar bëri një ndeshje perfekte në prapavijë. Ai ia doli me sukses të sprapsë disa sulme të spanjollëve të Real Sociedad.
Lexo edhe:
- Evra “injoron” Messin: Nuk ka etikën e punës së Ronaldos, mund të kishte edhe 15 Topa të Artë
- 11 fëmijë me nëntë gra të ndryshme, ish-“ylli” i NBA-së përfundon në burg
- U eliminua nga Milani, Richarlison sulmon Conten
- Italia me halle në sulm, Mancini e gjen zgjidhjen në Argjentinë
Krahas punës perfekte në prapavijë, Marash Kumbulla shënoi edhe golin e sigurisë. Në minutën e 87’, mbrojtësi kërceu mbi të gjithë dhe dërgoi topin në rrjetë.
Një festë me dedikim për bashkëshorten shtatzënë, nga ana e mbrojtësit kuqezi, që pas një sezoni shumë të komplikuar. Ky gol duket se risjell besimin e duhur te Kumbulla, për të ndryshuar pozitat e tij te Roma.
