Pasi mori Lisandro Lopezin dhe mbylli marrëveshjen me Barcelonën për transferimin e fantazistit brazilian Rafinha, Interi është gati të bëjë një tjetër goditje në merkato.
Bëhet fjalë për sulmuesin anësor të Liverpoolit, Daniel Sturridge, që është vetëm një hap larg zikaltërve, pasi ka përfunduar jashtë planeve të Jurgen Klopp dhe po kërkon një tjetër ekip për të luajtur më tepër.
Kjo konfirmohet jo vetëm nga mediet, por edhe nga kompanitë e basteve që kalimin e Sturridge në Milano e kuotojnë me koefiçientin 1.07, duke i dhënë shanse maksimale transferimit.
Megjithatë, merkatoja e Interit duket se nuk do të ndalet këtu. Zikaltrit janë duke punuar fort për të marrë edhe ish mesfushorin e Chelseat, brazilianin Ramirez.
Gjithsesi, mediet italiane raportojnë se paralelisht me bisedimet për Ramirezin, drejtuesit e Interit po negociojnë edhe për rikthimin në Milano të kroatit të Realit, Mateo Kovaçiç.