Kameruni përmbush pritshmëritë dhe kualifikohet në fazën çerekfinale të Kupës së Afrikës, kompeticion në të cilin është edhe vend organizator. Përballë surprizës Komorros, luanët e panënshtruar të Afrikës triumfuan me rezultatin e ngushtë 2-1 me ndeshjen që u vendos nga dy yjet e sulmit të Kamerunit Toko Ekambi dhe Aboubakar.
Sfida e luajtur në Yaounde nisi në malore për Komorros, sepse sikur të mos mjaftonte që luante me një mbrojtës në portë, pas vetëm 7 minutash lojë qëndërmbrojtësi Abdou u ndëshkua me karton të kuq, me miqtë që luajtën për më shumë se 80 minuta me një lojtar më pak.
Për të zhbllokuar ndeshjen duhej një goditje gjeniale e sulmuesit të Lyon Toko Ekambi i cili realizoi në të 29-ën. Pas 70 minutash lojë Kameruni dyfishoi me Aboubakar që vulosi edhe kualifikimin e skuadrës së trajnerit portugez Coincencao.
Megjithatë edhe pse me 10 lojtarë, Komorros arriti të shënonte golin që ngushtoi shifrat me M’Changama në të 81-ën, por vetëm kaq për miqtë në këtë sfidë. Kameruni tashmë do të masë forcat me Gambian në çerekfinale.