Bregu i Fildishtë iu kundërpërgjigj Marokut dhe mori gjithashtu tre pikët e para në grupin D të Kupës së Afrikës. Në Al Salam Stadium në Cairo vendosi një gol i Kodija në minutën e 65-të, me Bregun e Fildishtë që mposhti 1-0 Afrikën e Jugut. Në grupin E zhgënjeu Tunizia që barazoi 1-1 ndaj Angolës. Në Suez, golit të Msakni me penallti në minutën e 34-t iu kundërpërgjigj Djalma në të 73-ën. Bëri detyrën në këtë grup Mali që mposhti lehtësisht me shifrat e thella 4-1 Mauritaninë, duke marrë kreun e grupit falë edhe dy golave të realizuar nga Adama Traore.
