Pas një pushimi të gjatë, rikthehet sërish Kupa e Shqipërisë në Futsall, një kompeticion i organizuar nga Federata Shqiptare e Futbollit. Vllaznia, Flamurtari, Tirana, Olimpik 1 Maji, Diamant, Eagles Land, Forcat e Armatosura dhe Olimpik Tirana, janë në garë për të fituar Kupën e Shqipërisë në Futsall, që është edhe trofeu i dytë më i rëndësishëm pas kampionatit.
Të gjitha ndeshjet çerekfinale do të luhen me vetëm një takim dhe në një fushë asnjanëse (Kompleksi Goga), teksa janë përcaktuar tashmë edhe çiftet e kësaj faze nga shorti i hedhur nga Departamenti i Futbollit Amator. Të gjitha takimet do të zhvillohen të gjitha të dielën e 23 janarit, në ora 12:00 dhe 14:00.
Vllaznia-Flamurtari, ora 12:00
Tirana-Olimpik 1 Maji, ora 12:00
Eagles Land-Diamant, ora 14:00
Forcat e Armatosura-Olimpik Tirana, ora 14:00
Sakaq, më 26 janar do të luhen edhe ndeshjet gjysmëfinale të Kupës së Shqipërisë në Futsall, teksa sipas shortit të përcaktuar, çiftet do të jenë si më poshtë.
Vllaznia-Flamurtari/ Tirana-Olimpik 1 Maji, ora 18:00
Eagles Land-Diamant/ Forcat e Armatosura-Olimpik Tirana, ora 18:00
Më 29 janar do të luhet edhe takimi final i këtij kompeticioni, ku do të shpallet edhe kampioni i këtij edicioni i Kupës së Shqipërisë në Futsall. Finalja e madhe do të zhvillohet në kompleksin Goga, ora 20:00.
