Connect with us

Hi, what are you looking for?

Kombëtare

Kuqezinjtë mbyllin përgatitjet në Durrës, dëmtimet shqetësojnë Panuccin

Përfaqësuesja shqiptare i ka dhënë fund përgatitjeve në qytetin e Durrësit, në prag të sfidës me Skocinë, e vlefshme për UEFA Nations League. Seanca nisi menjëherë pasi trajneri Christian Panucci zhvilloi një bisedë të shkurtër me skuadrën, ndërsa me përjashtim të Eros Grezdës dhe Ndojit, e gjithë pjesa e tjetër kreu një seancë të plotë stërvitore.

Grezda, nën kujdesin e përgatitësit atletik, u stërvit i diferencuar, megjithëse shpresohet që 23-vjeçari të jetë gati për duelin me skocezët, ndonëse ende nuk dihet nëse lojtari i Glasgow Rangers do ia dalë të zbresë në fushë përballë ekipit të Alex McLish. Shqetësuese është edhe gjendja e Emanuele Ndojit, pasi futbollisti i Brescias kreu vetëm disa ushtrime për zgjatimin e muskujve, duke mos pasur asnjë kontakt me topin.

Nëse për Grezdën ka shpresa tek rikuperimi në kohë, për mesfushorin situata është më e rëndë dhe gjasat janë që 21-vjeçari të jetë i detyruar ta ndjeke ndeshjen nga tribuna. Duket një periudhë e pafat në aspektin e dëmtimeve, duke qenë se Ylber Ramadani, Emir Lenjani dhe Alban Hoxha, të cilët ishin pjesë e listës fillestare, u detyruan të hiqnin dorë nga grumbullimi i kombëtares, teksa Metzi u bë pengesë për Ivan Balliun.

Ndërkohë ka zhvilluar stërvitjen e parë më përfaqësuesen Albion Ademi. Futbollisti i Inter Turkut në Finlandë u largua nga grumbullimi i përfaqësueses së 21-vjeçarëve për t’iu bashkuar skuadrës së Panuccit. Këtë të premte kuqezinjtë do të kryejnë edhe stërvitjen e fundit përpara duelit me Skocinë, seancë që do të zhvillohet në stadiumin “Loro Borici” të Shkodrës në orën 18:30.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...