Antonio Conte është nga ata trajnerë të cilët punon me “dorë të hekurt”. Disiplina është një nga rregullat kryesore për italianin teksa këtë metodë jo të gjithë lojtarët e preferojnë. Së fundmi, në lidhje me ashpërsinë e Contes sa herë vishte tutat, foli ish-lojtari i Juventus, Sebastian Giovinco.
36-vjeçari shprehet se në momentin që Conte u largua nga bardhezinjtë, lojtarët u liruan dhe nisën të merrnin frymë lirisht. Ish-sulmuesi zbulon edhe se si Conte nuk kursente edhe lider si Gianluigi Buffon, teksa në situata të caktuara ishte edhe kundër kapitenit të torinezëve në atë kohë.
Lexo edhe:
- Zi në botën e futbollit, kanceri i merr jetën ish-mesfushorit spanjoll
- VIDEO/ “Fair Play” i sulmuesit, fiton respektin e tifozëve dhe kundërshtarëve
- Xabi Alonso, “aspirina” e duhur që riktheu buzëqeshjen te Bayer Leverkusen
- Rekord dhe fitore/ Orges Shehi, 100 ndeshje bardheblu
“Conte ishte si një çekiç, i hekurt. Njëherë pa që Buffon po festonte në dhomat e zhveshjes dhe nisi t’i ulëriste sepse kërkonte që skuadra të mos shpërqëndrohej për të arritur objetivin e 100 pikëve. Pasi Conte iku nga Juventus, lojtarët ndiheshin të çliruar dhe mund të merrnin frymë lirisht. Ishim si të rilindur sepse për shumë vite ishim të shtrydhur”, u shpreh Giovinco.