As “kura” Freddie Ljungberg nuk funksionon te Arsenali. Topçinjtë po kalojnë një moment vërtet të keq sepse pas barazimit ndaj Norëich u mposhtën 1-2 nga Brighton në Emirates me suedezin që pësoi humbjen e parë si trajner i përkohshëm i Arsenalit. As rikthimi i dyshes Mesut Ozil-Granit Xhaka në formacionin titullar nuk ka dhënë frytet e duhura me Arsenalin që duket një skuadër e pafuqishme dhe e paaftë për të ndryshuar për mirë fatet e këtij sezoni. Golat e Brighton nga Webster dhe Maupay bënë të pavlefshëm edhe finalizimin e Lacazette me Arsenali që e çoi në 7-të numrin e ndeshjeve pa fitore në kampionat dhe në 9 në të gjitha kompeticionet, një ecuri vërtetë katastrofike kjo. Një fitore mr peshë mori edhe Newcastle United që triumfoi në shtëpinë e Sheffield United me rezultatin 0-2.
