Juventus është duke u përballur me një të papritur të madhe duke qenë se Paul Pogba rezultoi pozitiv në testet antidoping. Francezi rrezikon një pezullim deri në katër vite, por edhe në një skenar më pozitiv sërish koha që do të qëndrojë jashtë fushave do të jetë e konsiderueshme. Në klubin bardhezi po mendojnë edhe të shkëpusin kontratën me mesfushorin ndërsa tashmë vëmendja është rikthyer në merkato.
Në janar, drejtuesit pritet të ndërhyjnë për të plotësuar organikën e trajnerit Massimiliano Allegri. Dy janë të preferuarit e italianëve për merkaton e janarit; Habib Diarra i Salzburgut që vlerësohet me shifrën e 20 milionë eurove ndërsa i dyti është Kone, lojtar i Borussia Moenchegladbach. Ndërsa një tjetër alternativë është ajo e Kamara, me këtë të fundit që është pjesë e Borussia Dortmund.
Lexoni edhe:
- Triumfi ndaj Rumanisë, Duka: Urime Kombëtares U21 për fitoren që na dhuroi emocione të mëdha!
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Jam tifoz i Interit”, Asllanin e nderojnë me çmimin e talenteve: Kënaqësi e madhe!
- Pas super formës me Kombëtaren, Ramadani nis menjëherë punën me Lecce për transfertën e Monzas
Për Kamara, Juventus tentoi edhe këtë verë duke i ofruar Dortmund transferimin e lojtarit me anë të huazimit, por që nuk u pranua nga gjermanët. Megjithatë, deri në merkaton e janarit ka ende disa muaj kohë dhe trajneri Allegri duhet ta zgjidhë mungesën e Pogba me alternativat që ofron grupi aktual teksa pritet që livornezi t’i japë më shumë hapësira të rinjve si Fagioli, Miretti, Caviglia apo edhe Mckennie.
