Në KAS-in e Lozanën, në Zvicër, është zhvilluar sot seanca gjyqësore që do të përcaktojë përfundimisht nëse do të marrë pjesë Milani në Europa League, në sezonin e ardhshëm.
Në këtë seancë kuqezinjtë u përfaqësuan nga Administratori i Deleguar Marco Fassone, shefja e financave, përgjegjësi juridik i klubit dhe avokati italian Antonio Rigozzi.
Ky i fundit është mjaft i njohur për seanca të tilla gjyqësore edhe në vendin tonë, pasi ka mbrojtur Shqipërinë, në gjyqin për ndeshjen Serbi-Shqipëri, të luajtur në Tetor të 2014-ës.
Falë punës mjaft të mirë të Ragozzit dhe Federatës Shqiptare të Futbollit, Shqipëria përmbysi në KAS vendimin fillestar të UEFA-s, duke arritur të marrë fitoren në tavolinë, ndërsa Serbia u pezullua edhe me heqje pikësh.
A do t’ia dalë avokati Rigozzi, të arrijë të njëjtin sukses edhe me Milanin?