Brazili barazoi 0-0 ndaj Bolivisë në sfidën e parafundit në elimintoret e Botërorit Rusi 2018. Por me Seleçaon që e kishte siguruar që më herët kualifikimin në Kupën e Botës, ky barazim mund të konsiderohet një rezultat shumë i mirë, për vetë faktin se Neymar me shokë luajtën në kushte ç’njerëzore në La Paz.
5-herë kampionët e Botës e kishin shumë të vështirë të luanin në një stadium me një lartësi prej rreth 3600 metrash mbi nivelin e detit dhe në përfundim të takimit vendosën maskat e oksigjen-it për tu mbushur me ajër pasi kishin probleme me frymëmarrjen.
