E ardhmja e Edon Zhegrovës lidhet me Serie A. Milani e ndjek prej kohësh sulmuesin e djathtë, por lojtari i talentuar dardan pëlqehet shumë edhe nga Napoli.
24-vjeçari aktivizohet me Lille në Ligue 1, klub me të cilin kuqezinjtë nga Milano kanë prej kohësh marrëdhënie të shkëlqyera.
Nga Lille janë siguruar përforcime fantastike si Rafael Leao dhe portieri Mike Maignan. Zhegrova numëron 4 gola dhe 5 asiste gjatë këtij sezoni me skuadrën franceze.
Lexo edhe:
- Bayern kthehet nga City, kërkon sulmuesin kampion bote
- PSG mendon seriozisht për Hernandez, nisin kontaktet e para
- Mesfushori i Wolves refuzon Arsenal-in, pret vetëm ofertën e Barcelonës
- Dikur titullarë, sot të padëshiruar, Marseille nxjerr në merkato dy lojtarë
Shtypi italian shkruan se Zhegrova cilësohet nga dyshja Maldini-Massara si investimi i duhur për krahun e djathtë të sulmit të skuadrës së Piolit.
Lojtari dardan, autor i 28 ndeshjeve dhe 3 golave me përfaqësuesen e Kosovës, pëlqehet për teknikën e lartë dhe aftësitë dribluese në lojën një kundër një.
Zhegrova është një sallaks të cilit i pëlqen të niset në të djathtë, por mund të bëjë mirë edhe në krahun tjetër. Edhe pse atje është i paprekshëm Leao.
11 vite më parë, Zhegrova bëri një provë te Milani, por kalimi te “Djalli” nuk u realizua për arsye burokratike. Kartoni i tij vlerësohet 10 milionë euro nga drejtuesit e Lille.
