Milani zhvilloi ndeshjen më të bukur të sezonit në “Diego Maradona”, stadium ku arriti një sukses fantastik 0-4 përballë Napolit. Kampionët e Italisë siguruan një fitore plot vlera përballë kampionëve të ardhshëm të Italisë.
Një sukses i rëndësishëm për kualifikimin në Champions League, por edhe për moralin. Në program janë dy përballje të tjera ndaj skuadrës së Spallettit, për llogari të çerekfinaleve të Championsit.
Kuqezinjtë e Piolit dominuan kundërshtarin dhe realizuan gola tepër të bukur. Rafael Leao dhuroi “show”. Ylli portugez vlerësoi performancën e Milanit, teksa u ndal edhe te Kvicha Kvaratskhelia.
“E dinim që ishte një ndeshje e rëndësishme ndaj një kundërshtari të madh që po bën mirë. Ky është Milani. Dëgjuam disa zëra jashtë Milanellos, që na mbushën plot energji.
Lexo edhe:
- Historike/ Triumf me “poker” ndaj Qipros, Kombëtarja e minifutbollit kualifikohet në Kupën e Botës
- VIDEO/ U aktivizua vetëm 13 minuta, Zhegrova realizon dy gola dhe i jep fitoren Lille-s
- “Mbajeni mend për garën e radhës”, Verstappen: Hamilton shkeli rregullat në parakalim
- VIDEO/ Gafa e vitit, Romelu Lukaku qesharak, kthehet në “meme”
Unë dua vetëm të përgjigjem në fushë dhe të dëgjoj trajnerin tim. Kam kaluar muaj të komplikuar, por e gjeta veten falë shokëve dhe trajnerit.
Me cilin e shkëmbeva fanellën? Me Kvarën. Jam një fans i madh i tij, më pëlqen shumë për atë që bën në fushë. Mendoj se ai është i ngjashëm me mua.I pëlqen të driblojë kundërshtarët, po zhvillon një sezon madhështor”, deklaroi Leao.
