Lewis Hamilton nuk mundi të garonte më shumë se një xhiro në Çmimin e Madh të Belgjikës pas një kontakti me Fernando Alonson. Në fakt, britaniku ishte fajtori kryesor pasi i bllokoi rrugën spanjollit, me këtë të fundit që nuk kishte mundësi për të shmangur kontaktin.
Ndërkohë, në nerva e sipër teksa komunikonte me personat në bokset e skuderisë Alpine, Alonso nuk i kurseu fyerjet për Hamilton duke theksuar se 37-vjeçari di vetëm të niset nga vendi i parë dhe kur gjendet në rrëmujë me pilotët e tjerë, atëherë nuk di si të veprojë.
“Hamilton është një legjendë e epokës tonë. Po, kur thua diçka kundër një piloti britanik, media nis dhe të sulmon menjëherë. Por, dua t’i kërkoj falje Hamilton, nuk i kisha seriozisht fjalët në atë moment, ishte thjesht një deklaratë në adrenalinë e sipër pasi po luftoja për vendet e para. Kur shikon më pas përsëritjet, kupton se nuk kishim shumë faj të dy”, u shpreh Alonso.