Doktori është gjysmëfinalisti i fundit i “La Casa de Quiz”. Altin gjata, mjeku nga Elbasani, bëri një tjetër paraqitje dinjitoze mbrëmjen e sotme, në çerekfinalen e fundit ndaj konkurrentit nga Prishtina, Blerim Zenuni.
Vlen të theksohet se edhe ky i fundit bëri një garë mjaft të mirë, duke kryesuar për një pjesë të mirë të saj, por përmbysja ndodhi në pyetjet që konkurrentët i bëjnë njëri-tjetrit, aty ku Doktori mori kryesimin dhe më pas gjeti pyetjen enigmë, duke vulosur kualifikimin në gjysmëfinale.
Gjysmëfinalja e parë, ajo mes Iseldi Balës dhe Erdo Dules do të zhvillohet mbrëmjen e të premtes në SuperSport 1.