Bayerni i Mynhit fitoi sërish në Champions League, këtë herë në shtëpi kundër Galatasaray-t dhe tashmë ka 17 fitore në 17 ndeshjet e fundit të fazës së grupeve. Në dy edicionet e fundit bavarezët grumbulluan të gjitha pikat e mundshme dhe në këtë edicion janë në rrugë të mbarë për të bërë të njëjtën gjë.
Thomas Muller nuk ishte titullar në ndeshjen e fundit, por hyri në lojë në minutën e 40-të për të zëvendësuar Musialën e dëmtuar dhe për të ndihmuar ekipin e tij të siguronte kualifikimin në fazën e 1/8-ve, si dhe vendin e parë në grup.
Lexo edhe:
- Jo vetëm 1/8-tat e Champions League, Inter e para italiane që siguron Botërorin e Klubeve
- “Jam përmirësuar në shumë aspekte”, Asllani: Shokët më ndihmojnë në stërvitje
- Ideja unike për ceremoninë e Messit, planifikohet miqësorja e Kampionëve të Botës me Barçën
- “Kampionati shqiptar nuk i jep dorë të rinjve”, Bushi: Ibrahimovic? Ndoshta pret Gjermaninë
Lojtari i Bayernit tani ka 102 fitore në Champions League, duke kaluar Iker Casillasin si lojtari i dytë me më shumë fitore në kompeticion. Ish-portieri spanjoll ka 101 fitore, 87 me Realin e Madridit dhe 14 me Porton.
Rekordin vazhdon ta mbajë Cristiano Ronaldo, i cili ka 115 fitore në ligën e milionerëve me fanellën e Manchester United, Realit të Madridit dhe Juventusit.
