Fitore minimale për Laçin dhe Vllazninë në dy ndeshje e para të javës së 32-të të Kategorisë Superiore. Ndaj dy skuadrave të dy vendeve të fundit kurbinasit dhe kuqeblutë vuajtën jo pak për të marrë tre pikët. Laçi triumfoi 2-1 ndaj Flamurtarit në shtëpi në një ndeshje që miqtë e luajtën për 70 minuta me një lojtar më pak pas daljes me karton të kuq të brazilianit Souza de Oliviera për një gjest të pahijshëm. Nëabueze hapi serinë e golave me një 11-metërsh në minutën e 50-të ndërkohë që në të 61-ën Ardit Hoxhaj surprizoi skuadrën e Cunguat duke barazuar rezultatin. Por për t’i dhënë fitoren Laçit dhe për t’i ngjitur kurbinasit në vendin e 3-të në kuotën e 52 pikëve mendoi Rudolf Turkaj që në të 74-ën realizoi golin e fitores. Pësoi ndërkohë humbjen e 5-të rresht Luftëtari i vendit të fundit që në Gjirokastër u mposht 0-1 nga Vllaznia që mori suksesin e parë nën drejtimin e Hysen Dedjes me një gol të Silvio Junior. Me këtë fitore Vllaznia ringjalli shpresat për të siguruar qëndrimin direkt në Superiore dhe jo nëpërmjet play-out. Kuqeblutë e mbyllën ndeshjen me një lojtar më pak pas daljes me karton të kuq të Renato Malotës në minutën e 86-të.
Lajme të tjera
Champions League
Manchester City dështoi te penalltitë përballë Realit të Madridit, duke i thënë lamtumirë Champions League. Rrugëtimi i kampionëve në fuqi u mbyll në çerekfinale,...
Champions League
Paris Saint Germain u mposht 2-3 në përballjen e parë çerekfinale të Ligës së Kampionëve ndaj Barcelonës në “parkun e Princave”, megjithatë trajneri Luis...
Eredivisie
Lajm i keq për tifozët e Vitesses, skuadër e Eredivisies. Përmes një njoftimi zyrtar për shtyp, KNVB (d.m.th. Federata Holandeze e Futbollit) njoftoi se...
Lajme
Një thashethem i bujshëm po mbush mediat rozë në Itali, teksa këtë herë protagonistë janë mesfushori amerikan i Juventusit, Weston McKennie dhe motra e...