Sulejman Starova paguan shrenjtë rezultatet e dobëta të arritura me Laçin në këtë fillim sezoni. Nga objketivi titull te vendi i 8-të me vetëm 7 pikë të grumbulluara në 7 javë, janë shumë pak për një skuadër që ka objektiva madhorë në këtë sezon. Për shkak të formës jo të mirë që ka treguar ekipi në këtë fillim sezoni, drejtuesit e klubit kurbinas kanë vendosur të largojnë nga detyra Sulejman Starovën dhe të emërojnë në krye të skuadrës Armando Cungun. Tekniku shkodran e njeh mirë ambientin bardhezi pasi ka qenë trajner i Laçit edhe në vitin 2015 kur arriti të fitonte Kupën e Shqipërisë dhe Superkupën e Shqipërisë. Debutimin në këtë aventurë të dytë në stolin e Laçit, ish-trajneri i Vllaznisë dhe Kukësit do ta ketë ndaj Tiranës në kryeqytet.
