Skuadra e Laçit e çel merkaton e verës me një afrim cilësor për sulmin, Saliou Guindo. Kurbinasit kanë arritur të firmosin me futbollistin nga Mali, I cili e njeh shumë mirë Kategorinë Superiore, pasi ka luajtur me Skënderbeun dhe Bylisin. Pikërisht në skuadrën ballshiote spikati në sezonin 2019-2020 me 8 gola në 26 ndeshje.
Giundo i bashkohet Laçit pas një përvojë për t’u harruar fillimisht tek Ankara Keçiörengücü në Turqi e më pas në Indi tek skuadra Gokulam Kerala. Klubi kurbinas në njoftimin e afrimit të Guindo në Instagram premton të tjera goditje në ditët në vazhdim.